DRIVER SA MOTOR PATAY SA AKSIDENTE SA BRGY. KINAMLUTAN
Patay ang 60 anyos nga si Juan Gador Sabanal Jr. kinsa nagmaneho og motorsiklo human nabanggaan og Toyota-Hiace sa Diversion road , Brgy. Kinamlutan, Butuan City alas 3:25 kagahapon sa hapon.
Samtang angol ug padayong gitambalan karon sa hospital ang backrider nga si Julian Elagon Sabanal, 15 anyos, parehong residente sa Purok-3 sa maong barangay.
Base sa imbestigasyon sa Butuan City Police Station 3, nagmaneho sa iyang Mitsukoshi-Euro motorcycle ang biktima sa Diversion road ug sa dihang paliko kini pawala sa Brgy. Kinamlutan padulong sa habagatang direksyon aksidente kining nabanggaan sa Toyota-Hi-ace nga nagdagan padulong sa kasadpang direksyon.
Sa kakusog sa impact nalabay ang driver sa motor nga nakaangkon ug serious physical injuries.
Gidala pa sa Agusan del Norte Provincial Hospital apan gideklara kining dead on arrival sa attending physician na si Dr Paula Ma.
Ang duha ka mga sakyanan ang gi-impound samtang ang driver sa Toyota-Hiace nga si Abdullatif Luman Cabugatan, 56 anyos, minyo nga taga Palanca Sr. Quiapo Manila ang gikustudiya sa PNP.
ctto…
#Butuancity
