Kasong Reckless Imprudence resulting in homicide ug Damage Property ang isang-at nga kaso ni Traffic Investigator Police Master Sergeant Johnny Tumandog batok sa driver sa Mindanao Star nga giilang si Bonifacio Sabanal Jr, hingkod ang edad, ug nagpuyo sa Kidapawan, North Cotabato.
Kini human namatay ang rider nga mao si Juan Ochada Jr., ug nagpuyo sa lungsod sa Nabunturan, Davao De Oro, gumikan sa impact sa pagbangga niini sa bus nga nahitabo sa Sirawan Highway bandang 6:15 sa gabii.
Suma ni Tumandog, gikan sa Sulop Davao Del Sur ug paingon unta sa Davao City si Ochada, apan pag-abot sa maong lugar, nag-overtake ug nag-counter flow ang biktima ug diretso misungag sa gikasugat niini nga bus.
Gibutyag ni Sabanal nga misuway unta kini og padaplin, apan tungod sa ubang mga behikulo naglisod kini og pidpid sa kilid resulta sa disgrasya.
Giingong paingon sa Davao Del Sur ang rota ni Sabanal kinsa tingkagol na karon sa selda sa Toril Pnp.
Paspas sab miresponde ang Central 911 Medic Team sa hitaboan, apan gideklarang wa na’y kinabuhi si Ochada, samtang ang angkas niini nga si Randy Mercado daling gidala sa Southern Philippines Medical Center aron matambalan ang iyang mga nahiagomang samad human nalagpot sa gisakyang motor niadtong panahona.
RadyoMaN Joel Viray
