Tagum City – Nangayo og dispensa ang driver sa bus sa Metro Shuttle atol sa nahitabong bangga sa motorsiklo ug sa bus nga gimaneho niini resulta sa pagkamatay sa upat ka mga biktima atubangan sa usa ka gasoline station sa Magdum, Tagum City ganinang ala-1 sa kadlawon.
Atol sa interview ni RadyoMaN Don Pulayao kang Emmanuel Fabiana, ang driver sa maong bus, nakurat na lamang kini nga dunay kalit nilagobo sa atubangan nga bahin sa iyang bus ug sa iyang pasguta ang motorsiklo nibangga sa iyang gimanehong sakyanan.
Sa report gikan sa Davao Regional Medical Center ang mga biktima giila nga mao sila si Temotio Albaranno, 21 anyos nga taga-Purok 4 Brgy. New Balamban, Johnrey Rowena Amamio, 25 anyos taga Lupon Davao Oriental, Leomar Colas, 13 anyos ug Leonilo Colas, 30 anyos nga pulos nagpuyo sa Tagum City.
Ang upat ka mga patayng lawas anaa sa punenarya sa Villagan Tagum City.
RadyoMaN Don Pulayao
