General Santos City–Dead on the spot ang usa ka Arante Dadivas, 41 anyos nga nanimuyo sa Isulan, Sultan Kudarat human nga madat-ugan kini sa iyahang gimanihuan nga pay loader alas 11:45 ang takna sa buntag sa Prk. 3, Barangay Tinagacan, partikular na sa Tolentino Quarry.
Sumala pa ni Police Captain Robert Fores ang labaw sa Police Station 8 nga basi sa ilahang nahimong imbistigasyon sa lugar nasuta nga nagamaniho matud pa ug pay loader ang nasangpit nga biktima ug nagakarga ug graba aron nga ibutang sa ilahang salaan sa dihang kalit lang napaluog ang makina niini hinungdan nga miatras ug natumba kung asa nadat-ugan ang nahisgutang biktima.
Dugang pa ni Fores nga ang nasangpit nga biktima ang driver sa backhoe apan mi-extra ug drive sa pay loader .
Nasayran nga maayo gyong pagka-ipit sa biktima sa pay loader maong dugay kini nga nakuha. Gidala pa kini sa ospital apan gideklara kining dead on arrival.(Dave Silagan)
