Davao City – Mi-surrender na ang driver sa truck nga naka hit-and-run-patay sa mag-inahan samtang nag back ride sa motorsiklo nahitabo sa Brgy. New Balanban, Tagum City bandang alas 3:00 sa hapon niadtong Hulyo 31 ning tuiga.
Kini ang gibutyag Police Senior Insp. Anjanette Tirador, tigpamaba sa Tagum PNP, atol sa interview sa DXDC RMN Davao diin matud pa wala na napasakaan og kaso ang driver sa truck nga giilang si Jeremias Dumbasi, hingkod ang pangidaron og residente sa La Filipina, Tagum City diin matud pa nagka-areglo na ang driver ug kabanay sa mga biktima.
Kahinumduman nga dead on arrival sila Marylyn Salveron Yecyec, 37 anyos, minyo ug alyas Keith, 5 anyos, nga pulos residente sa Brgy. Prosperidad, Montevista, Compostela Province human na hit-and-run.
RadyoMaN Renz Barbarona
