Davao City- Nagpadayon ang manhunt operation sa gika tahong driver sa traffic group human maka ipsot sa gipahigayon nga buy bust operation sa Toril PNP, City Drug Enforcement Unit ug PDEA-XI niadtong sabado alas 11:00 pasado sa buntag sa South Street DBP Village Ma-A, Davao City.
Nakalayas ang suspek nga mao si Gwen Chong, human nakamatikod nga pulis ang iyang ka transaksyon tungod kay abtik nga nakapadagan sa iyang Nissan Almera Sedan, kolor puti, nga dunay plate number OX 6960.
Gisuwayan pa sa mga awtoridad pagpusil ang ligid sa sakyanan sa suspek apan tulin kining nakapadagan padung sa Mc Arthur Highway Matina.
Giabandona sa suspek ang iyang sakyanan sa Matina Shrine Hills ug narecover sa SOCO ang duha ka sachet sa shabu, cellphones ug 3 ka bala sa .45 caliber pistol.
RadyoMan Erin Lumosbog
