Pagadian City – Imbes manubela ang huptan, himas na karon sa mabugnaw nga rehas sa prisohan ang usa ka tricycle driver nga sekretong nagpayuhot sa illegal nga drogang shabu human nadakpan sa gikasa nga Buy-Bust Operation sa tropa sa Zamboanga Sur Provincial Drug Enforcement Unit ug personahe sa Pagadian City Police Station, elemento sa ZSPMC, PIU-ZSPPO pina-agi sa koordinasyon sa PDEA-9, dihang dapita sa Purok Sweetlove Plane, Barangay Dumagoc, Pagadian City.
Malampuson nga nadakpan ang target nga si Jomar Otohan Buntilaw, 28 anyos, minyo, residente sa Purok Citrus, Barangay Dumagoc ning syudad.
Nakumpiska gikan sa suspect ang 2 ka pakete sa shabu, nga mukabat sa 2 gramos og mubalor sa 15,844 ka pesos ang market value niini.
Nakuha usab sa kapulisan ang usa ka 500 ka pesos isip buy-bust money.
Ang mga ebedinsya nga nahipos sa otoridad anaa na karon sa Zamboanga del Sur Provincial Crime Laboratory Office alang sa eksaminasyon.
Kasong paglapas sa RA 9165 kon Dangerous Drugs Act of 2002 ang giatubang sa suspetsado.
