Patay ang driver sa usa ka van human nga mibangga sa usa ka jeep sa Diclum, Manolo Fortich, Bukidnon.
Naila ang biktima nga si Michael Baraucor, kinsa dead on arrival sa Bukidnon Provincial Hospital.
Nasayran nga atol sa insidente, mikabat sa dul-an sa 20 ka tawo ang samaran sa insidente.
Sa impormasyon nga nahipos, padulong sa Alae ang jeep ug dunay sakay nga nuybe ka pasahero samtang ang van nga gikan sa Marantao, Lanao del Sur ang padulong usab sa Valencia City nga dunay 16 ka tawo ang sakay.
Matud sa driver sa jeep nga si George Election, kalit lang nawad-an og brake ang iyang gimanehong jeep, hinungdan nga mibangga kini sa atubangan nga bahin sa Van.
Facebook Comments
