Patay ang driver sang boom truck matapos mapilpilan sang matumba ang truck kag nagkahulog ang iya karga nga poste sang PLDT sa banwa sang Igbaras,Iloilo kaina sang hapon (Marso 14).
Ginkilala ang biktima nga si Jerry Tutong, 52 anyos sang Barangay Baras, Guimbal, Iloilo.
Natabu ang insidente mga alas 5 pasado kahapon sang hapon sa Barangay Signe, Igbaras Iloilo kon sa diin magadiskarga kuntani ang biktima sang mga karga sini nga poste sang PLDT apang natumba ang truck kag nagkalahulog ang mga poste kabangdanan nga ini siya ang napilpilan.
Halos tunga sa oras pa antis nakuha ang biktima kag nadala sa Guimbal District Hospital kon sa diin gindeklarar ini nga dead on arrival bangud sa fatal nga pilas sa iya ulo.
Facebook Comments
