Driver sang motorsiklo gintiro patay sa Tantangan, South Cotabato.

Patay ang isa ka persona, matapos nga tiruhon sa Purok Bagong Silang, Brgy. New Iloilo, Tantangan, South Cotabato , alas 7:10 kagab-i.
Ginkilala ang biktima kay Randy Joplo Aliperio.
Sa inisyal nga imbestigasyon sang Tantangan MPS, ang biktima ang nagamaneho sang iya Honda motorsiklo halin sa Koronadal City padulong sa Tacurong City kag pag-abot sa nasambit nga lugar gintiro ini sang wala nakilal-an nga suspek nga gilayon man nga nagpalagyo.
Nakaangkon sang igo sang bala sa wala nga bahin sang iya nga dughan ang biktima nga nangin tunaan sang iya hinali nga kamatayon.
Nakuha naman sa crime scene ang isa ka basyo sang 45 nga kalibre sang armas luthang.
Sa subong nagapadayon ang imbestigasyon sang Tantangan MPS sa insidente.

Facebook Comments