Driver sang motorsiklo nga nabunggo sa naga U-turn nga wing van sa Sitio Sakop, Barangay Culasi, Roxas City ginbawian na sang kabuhi samtang ginabulong sa ospital

Roxas City, Capiz – Patay ang 23- anyos nga lalaki matapos nga aksidente ini nga nabunggo sa wing van sakay sa ginamaneho nga motorsiklo sa Sitio Sakop, Barangay Culasi, Roxas City.
Wala gid matabangan ang amo nga biktima nga nakilala kay Jhon Michael Alejaga Gellada samtang ini ang ginabulong sa isa ospital.
Suno sa impormasyon, nagapatigayon sang pagmaniobra(U- Turn) ang driver sang wing van nga si Junjun Caro sang Estancia, Iloilo sang gulpi na lamang nga nabunggo ang motorsiklo nga ginamaneho nga motor sang amo nga biktima.
Bangud sa kabaskugon sang pagkabunggo, nag-angkon sang patal nga pilas sa nawala nga ulo ang biktima nga kabangdanan sang kamatayon sini.