Patay na sang mag-abot sa Western Visayas Sanitarium sa banwa sang Sta. Barbara ang lalaki nga nagamaneho sang motorsiklo matapos bungguan sang Isuzu Canter nga truck sa Barangay Inangayan, Sta. Barbara, Iloilo alas 4 kaina sang hapon.
Ginkilala ang biktima nga napatay nga si Lhemor Plauta, 50 anyos sang barangay Balibagan Este, Sta. Barbara, Iloilo.
Ginpahayag nga mga alas 4 kaina sang hapon samtang nagapadulong sa Banwa sang Sta. Barbvara gikan sa San Miguel Iloilo ang Isuzu Canter truck nga puno sang sinako sang bugas kag ginamaneho ni Alex Sumabong sang maside swipe sini ang isa ka tricycle kag nagbunggo sa motorsiklo nga ginamaneho sang biktima.
Bangud sini natumba si Plauta kag nakaagum sang kapilasan sa lawas kag dali-dali nga gindala sa Western Visayas apang gindeklarar nga dead on arrival sang doktor.
Yara naman sa custody sang Sta. Barbara PNP si Sumabong kag magapangatubang sang kaso nga reckless imprudence resulting to homicide.
