Driver sang motorsiklo patay sa disgrasya sa dalanon sa Koronadal City.

11

Patay ang driver sang motorsiklo, matapos nga naengkwentro ang isa man ka motorsiklo sa dalanon sang Lower Osmeña, Brgy. Rotonda, Koronadal City, South Cotabato, alas kagab-i, Pebrero 18, 2021.
Ginkilala ang nabawian sang kabuhi kay Noly Santiango De Jesus; 61-anyos kag residente sang Prk. Pag-asa, Brgy. Topland, Koronadal City nga nagamaneho sang Skygo nga motorsiklo bilang V1.
Sa imbestigasyon sang Koronadal CPS ang V1 ang padulong sa Brgy. Avanceña kag pag-abot sa Lower Osmeña, Brgy. Rotonda nagluntad ang head on collision sa Skygo motorsiklo bilang V2 nga yara sa opposite direction kag ginamaneho ni Alvino Lumogdang, yara sa legal nga pang-edaron kag residente sang Brgy. San Isidro, Koronadal City, South Cotabato.
Resulta nakaangkon sang fatal nga injuries ang driver sang V1 nga gindeklarar nga dead on arrival sang attending physician sang South Cotabato Provincial Hospital, samtang ang driver sang V2 ang nakaangkon man sang seryoso nga pilas sa lawas nga gindala man sa nasambit nga ospital para sa medikasyon.

Facebook Comments