Driver sang motorsiklo patay sa nagluntad nga vehicular accident sa Brgy. Saravia, Koronadal City.

35

Dead on arrival sa ospital ang driver sang motorsiklo sa nagluntad nga disgrasya sa dalanon sang Prk. Kauswagan, Brgy. Saravia, City of Koronadal, pasado alas 10:50 kahapon nga adlaw, Pebrero 22, 2021.
Ginkilala ang biktima kay Jinver B. Hibionada, 26 –anyos, single kag residente sang Brgy. Matapol, Norala, South Cotabato.
Imbolbado nga salakyan sa nasambit nga insidente ang isa ka Toyota Hilux Pick-up bilang V1, ginamaneho ni Jonas Baranggan Manilhig, 58 –anyos, residente sang Brgy. Saravia, Koronadal City kag isa ka unit Suzuki Raider 150 motorcycle nga ginamaneho sang biktima.
Sa imbestigasyon ang Toyota Hilux ang halin sa banwa sang Tupi kag pag-abot sa atubang sang Gemma Construction, Brgy. Saravia, naghinay-hinay ini agud nga magliko sa tuo, apang aksidente nga nasideswipe sa tuo nga parte sang motorsiklo nga nagasubay sa pareho nga direksyon.
Resulta, nakaangkon sang fatal injuries ang driver sang motorsiklo nga gilayon nga gindala sa South Cotabato Provincial Hospital , apang gindeklarar nga patay sang attending physician .
Ang duha ka mga salakyan ang nakaangkon sang danyos nga gindala sa Koronadal CPS lakip na ang driver sang V1.

Facebook Comments