Davao City- Nasikop sa Sta. Ana PNP ang usa ka driver human nakuhaan og shabu atol sa gilusad nga buy bust operation sa kapolisan kauban ang Philippine Drug Enforcement Agency kun PDEA XI alas 9:00 sa buntag sa Bajada st. Brgy 20-B siyudad sa Davao.
Base sa Sta. Ana PNP, ang dinakpan naila sa pangalan nga usa ka Alvin Neneria, 32 anyos ug nagpuyo sa Degusman st. Brgy Toril ning dakbayan.
Sa gikasang operasyon, usa ka pulis ang nagpaka-aron ingnong buyer gamit ang 500 buy bust money bugti sa usa ka small size rectangular shape heat sealed plastic sachet nga gituohang shabu apan wala kabantay ang suspek nga ang iyang gikatransak usa na ka pulis hinungdan nga daling giposasan sa mga back-up nga mga pulis ang maong lalaki.
Narekober gikan kang Neneria ang usa ka medium size rectangular shape heat sealed transparent plastic sachet ug laing pang usa ka large size rectangular shape heat sealed transparent plastic sachet lakip nakumpiska ang usa ka red pouch, 500.00 pesos buy bust money, usa ka Nokia cellular phone, motorsiklo ug susi niini.
Ang dinakpan balhug na sa Sta Ana PNP ug gihikay na sa kapulisan ang kasong kalapasan sa RA 9165 kun Comprehensive Dangerous Drugs Act of 2002 batok sa suspek.
RadyoMaN Don Pulayao
