Davao City – Sikop sa Toril Police Station ang usa ka driver human namaligya og ilegal nga droga sa gikasang buy bust operation alas 8:50 sa gabii niadtong Agosto 1, 2023 sa Purok 16, Brgy. Toril Proper, Davao City.
Sa report gikan sa Toril Police Station naila ang dinakpan nga si Phillip Andrew Sevilla, alyas ‘Dodong’ 35 anyos, residente sa nasampit nga lugar.
Sumala pa napalitan sa poseur buyer nga usa ka pulis, ang suspetsado og usa ka pakete nga gituohang shabu nga miresulta sa pagkasikop niini.
Narekober sa kapulisan sa posisyon sa suspek ang laing upat ka pakete nga shabu ug gibana-banaang adunay gibug-aton 0.56 grams, adunay street market value Php 8,960.00, nakuha usab ang buy bust money og mga Illegal drugs paraphernalia.
Kasong kalapasan sa RA 9165 o Comprehensive Dengerous Drugs Act of 2002, ang ikaso sa dinakpan nga gipriso karon sa Toril Police Station.
RadyoMaN Don Pulayao
Facebook Comments
