General Santos City— sikop sa gihimong buy-bust operation sa operatiba sa Police Station 6 ang usa ka driver kansa gikaingong lambigit sa iligal nga druga sa area sa Hicban Subd., Barangay Lagao Gensan alas 3:00 ang takna sa hapon, July 11, 2017.
Suspek nailhang si Aljen Bawan, legal age, residenti sa samang lugar. Nasikop ang nahisgutan human kining napalitan ug (1) ka sachet sa gituohang shabu.
Narekober usab gikan sa suspek ang Marked money kantidad ug P500.00. wala na mipalag ang suspek human nga nakuhaan kini ug ebidensya sa kapulisan gumikan sa iyang pagpayuhot ug iligal nga druga.
Subay sa report sa Police Station 6 nasuta nga adunay nakasumbong sa ilang buhatan bahin sa gikalambigitang iligal sa suspetsado.
Tungod niini gilayon kining gipailawom sa surveillance ug dihang kumpermado ang report, gihimo dayon ang operasyon nga miresulta sa pagkasikop niini.
Kasong paglapas sa sec. 5 sa Art. II, ilawom sa RA 9165 ang atubangon sa suspetsado kansa balhog na karon sa silda sa Police Station 6.
