Driver ug pamilya sa langyaw’ng namatay sa disgrasya nagsabot sa posibleng settlement

Davao City – Aduna nay initial nga nasabutan tali sa pamilya sa driver sa garbage truck sa CENRO ug ang pamilya sa Indian National nga namatay sa disgrasya sa F. Torres St., syudad sa Davao alas 9:40 sa gabii Enero 16, 2023.

Sa interbyu sa DXDC RMN Davao kang Police Major Marvin Hugos, Station Commander sa San Pedro Police Station, gibutyag niya nga nagkasabot na ang matag kampo alang sa posibleng amicable settlement.

“Nagka-isturya naman ang both parties. Nagpaabot pami sa ilahang resulta sa ilang panag-isturya kung dili man gyud gani ugma sa buntag ma-inquest gyud nato ang driver,” sulti ni Hugos.

Kahinumduman, nahitabo ang vehicular accident human mibangga ang single motorsiklo sa garbage truck nga giparking sa maong lugar diin ang motorsiklo gimaneho sa langyaw nga si Raghvir Cheema, 44 anyos, negosyante, taga Marfori Heights, Davao City.

Samtang ang driver sa garbage truck nga si Danilo Gallego, gikustodiya na sa San Pedro Police Station.

RadyoMaN Don Pulayao