General Santos City–Dakpan sa gipahigayong operasyon sa Pendatun Police Station kagahapon sa buntag ang usa ka drayber sa pampasaheroang van nga gipahigayon atubanagan sa usa ka drug store sa Bo. Obrero National Highway.
Suspek nailang si Billy Sandipa, 39 anyos, nga taga Polomolok South Cotabato.
Bandang alas 9:00 sa buntag gihimo ang operasyon sa pagpanguna ni Police Lt. Miguel Quidilla, deputy chief of Police sa Pendatun Police Station.
Mukabat sa upat ka mga sachet sa suspected shabu ang nakuha sa kapulisan gikan sa posisyon sa suspetsado lakip na niini ang usa ka sashet nga maoy gipalit sa poseur buyer.
Samtang tulo usab ka sachet ang nakuha sa posisyon sa suspek atol sa pagrekisa kaniya sa kapulisan.
Ginapailawom na sa interogasyon ang suspetsado sa posibilidad nga duna pay pagahimuong mga follow up operations.
Una nang midepensa ang suspek nga wala sya nagapamaligya og iligal nga droga kundili igo lang kining gipadala kaniya. Apan sumala ni Quidilla nga normal lang sa mga madakpang suspek ang manghimakak tungod kay dili gustong mabilanggo.
Suwayan usab sa kapulisan nga makakuha pa og dugang impormasyon sa suspek aron masayran hain ang source niini sa droga apan magdepende na kini kung makigtinabangay kanila ang nadakpang suspetsado. (Jordan Britos)
(Photo is for illustration only)
