Davao City – Sikop sa buy bust operation sa Sta Ana PNP ang tulo ka tawo human nakuha’ag shabu kantidad dul-an P10,000.00.
Dinakpan mao sila Rey Borela, alias Balong, 41 anyos, driver, residente sa Purok Sustagen, Brgy. New Pandan, Panabo City, Joy Toledo, 42 anyos, nagpuyo sa DDF Village, Pioneer, Mandug, Buhangin, Davao City ug usa ka welder nga si Michael Campaner, 43 anyos, residente sa Piapi Boulevard, Brgy. 22-C, siyudad sa Davao.
Sumala pa, napalitan sa kapolisan og duha ka sachet nga shabu bugti ang P1,000.00 nga buy bust money samtang narekober ang laing pito ka paketeng shabu, duha ka cellphone ug mga drug paraphernalia.
Subay sa monitoring sa kapolisan ang droga naggikan sa siyudad sa Panabo.
Ang tulo ka dinakpan anaa sa drug watchlist ug sagad mga customers mga walkers, pick up girls, taxi ug PUJ drivers. Mga dinakpan mag-atubang og kasong kalapasan sa RA 9165 (Comprehensive Dangerous Drugs Act of 2002).
RadyoMan Don Pulayao
