Davao City – Gi-file na ang kasong Reckless Imprudence resulting in Multiple Homicide and Damage to Properties batok sa drayber sa Nissan Navarra Pick up nga si Robert Pingkian, 50 anyos, taga-Countryville Subd. siyudad sa Davao ug drayber sa LCI Bus nga si Roberto Jundayan, 44 anyos, taga-New Casay, Babay-angan, Dujali, Davao Del Norte.
Kahinumdoman nga upat ka sakyanan ang nagkarambola nahitabo alas-9:42 Domingo sa gabie sa National High Way, Purok 6, Brgy. Canocotan, Tagum City.
Sa interview sa RMN Davao kang Police Captain Anjanette Tirador, tigpamaba sa Tagum Municipal Police Station, nga gipasaka na ang maong kaso ngadto sa korte.
Matud ni Tirador nga subay sa imbestigasyon, ang Badja (Bao-Bao type) ug Navara Pick Up gikan sa siyudad sa Tagum padulong sa dakbayan sa Davao samtang ang LCI Bus ug ang Suzuki Multicab anaa sa opposite direksyon.
Apan pag-abot sa maong lugar niliko matud pa ang Badja ug aksidente nga nabundolan sa Pick Up gani sa kakusog sa impact nideretso ang Badja sa laing lane ug gikasugat ang LCI Bus hinungdan nga napasok kini sa ilalom sa bus.
Samtang ang Navara Pick Up sa kakusog nidiretso usab sa center island ingon man nabangaan ang poste ug gidaro pa ang Suzuki Multicab hinungdan sa pagkadanyos.
Lima ang patay sa nagsakay sa Badja ang driver nga si Jerson Galan, 30 anyos, nagpuyo sa maong barangay, iyang asawa nga upat ka bulang buntis nga si Desiree Galan, anak niini nga si Jeddy Mecco Galan, 8 anyos, ugangan nga si Elena Morales, 63 anyos, ug igsuon sa iyang asawa nga si Cresilda Ado, 44 anyos.
Ang unom ka patay’ng lawas anaa na gihaya sa Coop Tagum Funecare ug wala pay petsa o adlaw kung kanus-a ipalubong.
Gipaabot usab ni Valdimero Galan, amahan ni Jerson Galan, ngadto sa mga drayber nga dili mag-inum samtang nagadrive gani kung makainum man dili nalang magdrive aron malikayan ang susama nga insidente.
RadyoMaN Don Pulayao
