Davao City – Droga ang gitan-aw karong anggulo sa pagpusil-patay sa usa ka babae sa Compostela, Compostela Valley Province niadtong Dominggo, November 24, 2019 diin aduna nay persons of interest ang kapulisan.
Sa interbyu sa DXDC RMN Davao kang Police Major Darwin Dura, office in charge sa Compostela Municipal Police Station, giila niini ang biktima nga si Armie Angcot Bernardo, 33-anyos, minyo, residente sa Purok 6, Barangay Poblacion, Compostela, ComVal.
Duha ka wala mailhing lalaki nga naka motorsiklo ang miadto sa balay sa biktima ug gipusil kini sa makadaghang higayon hinungdan sa kamatayon niini.
Gibutyag ni Dura nga adunay mga istorya sa silingan nga posibleng konektado sa droga ang hinungdan sa krimen rason nga kini usab ang bug-at nga anggulo nga gitutokan sa kapulisan.
“Ang among ginatan-aw nga anggulo is kining related sa drugs kay personality man gud to siya. Kanang onsehan sa droga. Mura’g nakabatal man daw to siya, naka-utang,” saysay ni Dura.
Nasayran nga dili lang kausa ka higayon gibalikan ang biktima sa mga suspek hangtud nga naatlan kini ug gipusil-patay.
RadyoMaN Kirby Manzon
