Davao de Norte – Usa sa gilantaw nga motibo karon sa pagpusil-patay sa kanhi police gawas sa iyang girentahang balay sa Purok 9, Feeder Road 3, Barangay Tibal-og, Sto. Tomas, Davao Del Norte mao ang giingong kalambigitan sa droga.
Sa interbyu sa DXDC RMN Davao kang Sto. Tomas Municipal Police Station, Chief of Police Police Major Frederick Deles, gipalawman pa nila ang imbestigasyon sa pagpatay kang Ruben Cañas Molina, 56 anyos.
Matud pa nag-AWOL (absent without leave) sa PNP ang kanhi pulis ug usa kini ka drug surrenderee.
Sumala sa nakasaksi, nagtabon sa nawong ang mipusil sa biktima ug dali kining nisibat human sa panghitabo.
Si Molina, nakaangkon og samad pinusilan sa nagkadaiyang bahin sa lawas nga miresulta sa kamatayon.
Sa report, na-recover sa crime scene ang mga basiyo sa bala gikan sa .45 kalibreng pistola.
RadyoMaN Aimee Guinita
