Davao City – Dako ang pagmahay sa usa ka suspek kinsa boluntaryong misurrender sa kapulisan human nakapatay sa usa ka babae sa Belisario, Brgy. San Antonio, Agdao siyudad sa Davao niadtong adlawng Lunes diin iya usab giangkon nga nakadroga kini niadtong tungora.
Sa interview sa DXDC RMN Davao sa suspek kaganinang kadlawon didto sa Sta. PNP, giangkon ni Emmie Balogbog, 38 anyos, driver, nga iyang gituok ug gidunggab ang biktima nga si Flanar Samson apan iyang gilimod nga gihilabtan niya kini.
Matud pa, kwarta lang iyang gikuha ug dayon misibat padung sa Pigcawayan, North Cotabato.
“Pasayloa ko sakong gibuhat, tungod sa droga nga akong gi-take… dako kaayo ko’g pagmahay, ulahi na ang tanan,” segun sa suspek.
Dugang niini, ginganlan usab niya ang iyang mga kauban kinsa matud pa miimpluwensya kaniya nga mugamit og droga.
Kahinumduman nga nakaplagan nalang ang maong biktima nga patay ug duguan sulod sa iyang panimalay.
RadyoMaN Renz Barbarona, RadyoMaN Don Pulayao
