Sa interview sa DXDC RMN Davao kang Police Captain Ruel Dionila, Deputy Chieft sa Marilog Police Station gisulti niya, kasong reckless imprudence resulting to homicide ang ipasaka batok sa tag-iya sa maong sakyanan nga nakabangga.
Dugang sa opisyal, ang tulo nga nakabsan sa kinabuhi nga gidala sa Angel Funeral Homes Calinan, ang driver sa dropside truck nga si Onez Julius Bad, hingkod ang edad, taga Purok 17-A, Agdao Village Maa, Davao City, trailer truck driver nga si Virgilio Casia Pajo Jr., ug iyang asawa nga si Jovelyn Pajo, parehong residente sa Purok 1, Maragusan, Davao De Oro.
Samtang angol usab ang dropside truck helper nga si Modin Armando Gonzales nga anaa sa Southern Philippines Medical Center (SPMC), samtang luwas ang laing trailer truck driver nga si Oliver Jay Alcansado Adtoon, 31 anyos, residente sa Putian, Quezon, Bukidnon.
Subay sa inbestigasyon sa kapulisan nasayrang nawad-an og brake ang dropside truck nga naggikan sa Bukidnon ug pag-abot sa nasampit nga lugar mibangga sa duha ka trailer truck gikan sa Davao padulong sa Bukidnon.
RadyoMaN Don Pulayao
