Roxas City, Capiz- Arestado sang mga katapo sang Provincial Drug Enforcement Unit(PDEU) sang Capiz Police Provincial Office ang duha ka mga persona sa Rizal Street sakop sang Brgy VII sining syudad.
Kabilugan nga tatlo ka sachet ang narekober sa mga subject person nga sanday Dave Fiolog sang Dorado Subdivision Brgy Inzo Arnaldo Village kag sa upod sini nga si Robert Olano sang Brgy. Bilao Sapian, Capiz.
Nakuha man sa posesyon sang mga ini ang duha ka cellphone kag P1, 000 pesos nga buy bust money.
Suno kay Police Senior Inspector Hilbert Gervero, madugay na nila nga ginasubaybayan ang illegal nga aktibidad nanday Fiolog kag Olano kag ila natiyempohan ang mga ini sang nagdaw-anay sang druga sa amu nga lugar.
Natalana naman nga igapaidalom ang mga ini drug test samtang igapadala sa syudad sang Iloilo ang mga narekober nga druga para sa laboratory examination.
