Roxas City, Capiz- Magapangatubang sang kaso nga paglapas sa R.A 9165 ukon Comprehensive Dangerous Drugs Act of 2002 ang lima ka mga persona nga nagkaladakpan sa ginkasa nga drug buy bust operation sang mga katapo sang PDEA-6 sa Brgy 6 sining siyudad mga takna alas singko y medya sang hapon.
Ginkilala ang subject person nga amo si Marie Beth Fortes y Patricio kun sa diin kalakip sa mga nadakpan amo sanday Chantal Marie Patricio y Barsa, Redentor Amancio y Camerin, Mary Ann Esperon, kag Abbie Gaile Dellomos y Lopez nga naaktuhan nga nagapatigayon sang pot session sa poluy-an ni Fortes.
Natigayon nga marekober sang operatiba ang kabug-osan nga lima ka mga medium-sized sachets sang ginasuspetsahan ilegal nga druga kag walo pa gid ka magamay nga sachet nga may unod nga shabu.
Maluwas diri nakuha man ang ginpahayag marijuana kag mga drug paraphernalias lakip ang buy bust money.
Nahibaloan nga ang poluy-an ni Fortes amo ang ginahimo sang amo nga mga persona nga nga drug den.
Madugay na nga ginasubaybayan sang mga otoridad ang ilegal nga boluhaton sang amo nga mga subject person samtang ginabanta nga nagabalor sang P200, 000 pesos.
Ang nasambitan nga ga persona ang ginpangdala na sa talatapan sang PDEA-6 sa siyudad sang Iloilo para sa dugang nga imbestigasyon.
