Roxas City, Capiz – Dakop ang apat ka mga persona sa sunod-sunod nga drug buy bust operation sang Philippine Drug Enforcement Agency (PDEA) Region 6 sa Barangay Banica, Roxas City.
Nadakpan sa naha-una nga operasyon sang PDEA 6 ang gina-alegar nga maglive-in partner nga sanday Edilberto Laserna kag Lilibeth Borines, lunsay mga residente sang nasambit man nga lugar. Nakuha sa mga kamot sang maglive-in partner ang tatlo ka sachets sang suspected shabu, P500 nga buybust money kag mga drug paraphernalia.
Samtang arestado man sa ikaduha nga operasyon sanday Enrique Ignacio kag Mary Jennel Solis sa amo man nga barangay kun sa diin nakuha sa ila mga kamot ang duha ka sachets sang suspected shabu, P500 nga buybust money, mga drug paraphernalia, kag P2,500 nga cash.
Magapangatubang sang kaso nga paglapas sa Republic Act 9165 ukon Comprehensive Dangerous Drugs Act of 2002 ang mga suspek. Sa karon, nakahunong na sa PDEA-6 sa syudad sang Iloilo ang mga arestado.
