Kalibo, Aklan – Padayon makaron nga gina usoy it mga kapulisan rong subject sa drug buy-bust operation kaina it agahon sa Cipriano Road, Estancia, Kalibo, Aklan.
Rong suspek nakilaea kay JOEBEN MACABALES CIPRIANO alyas “Kulot” sa legal nga edad nga residente it nasambit nga lugar.
Nakapaeagiw si Cipriano matapos nga mamutikang mga pulis rong anang ka transaksyon matapos nga mabak-ean imaw it daywa ka mga sachet it suspected shabu kabaylo it P 16,000.00 nga buy-bust money.
Samtang ginserbehan man dayon it search warrant ro anang gina istarang baeay kung sa siin nabuoe ro sangka butong nga inutod ukon pasok nga may sueod nga 12 tanan ka mga sachect it suspected shabu ag may nabuoe pa gid nga mga drug paraphernalia.
Kon matandaan si Cipriano hay dati man eon nga nakulong ko 2016 bangud sa kaparehong kaso ag naka guwa raya matapos nga naka avail it plea bargaining.
Sa makaron hay posible nga papanaugan eoman it warrant of arrest si Cipriano sa kasong pagbayolar sa Sec. 5 ag 11 it R.A. 9165.
Ro nasambitan nga operasyon hay ginpatigayon it gintingob nga pwersa kung PDEA, PDEU ag KALIBO PNP.
