Dugang nga 103 ka mga barangay sa Western Visayas ang gindeklarar sang PDEA region 6 nga drug cleared sang nakaligad nga Biyernes.
Ang nasambit nga mga barangay ang gindeklarar nga drug cleared kasunod sang serye sang deliberasyon nga ginhiwat sang Regional Oversight Committee suno kay PDEA regional director Wardley Getalla.
Suno kay Getalla nga kalabanan sa mga barangay nga gindeklarar nga drug cleared ang sakop sang banwa sang Alimodian nga may 42 ka barangay; ginasundan sang Cabatuan nga may 22 ka barangay; San Remegio, Antique- 15 ka barangay; Bingawan, Iloilo- 14 ka barangay; Tubungan, Iloilo- 9 kag Mina, Iloilo –isa ka barangay.
Una diri, nagdeklarar man ang PDEA-6 sang 111 ka barangay sa rehiyon bilang drug cleared.
Suno kay Getalla nga wala pa sang barangay sa siyudad sang Iloilo nga nadeklarar nga drug cleared.
