MAAYON, CAPIZ- Madinalag-on nga nakumpleto sang kabug-osan nga 55 ka mga drug surrenderer sa banwa sang Maayon ang anum ka bulan nga Community-Based Rehabilitation Program.
Sang nakaligad nga Nobyembre 26, 2018, ginbaton na sang mga ini ang certificate of completion kadungan sang ginpatigayon nga Graduation Ceremony sa Roging Dadivas Hall, Maayon, Capiz.
Yara man nagtambong ang mga katapo sang Municipal Anti-Drug Abuse Council (MADAC), Local Government Unit sang Maayon sa pagpamuno ni Mayor Wilfredo “Pedot” Borres Sr; PSInsp. Valen Rommel delos Santos sang Maayon PNP; Dr.Samuel Delfin sang PHO-Capiz; Municipal Health Officer Dra. Sandra Sorongon; Mrs Jocelyn D. Orendez sang MSWDO; DILG, kag religious sector.
Yara man ang presensiya nanday Jeanette Reyes sang PDEA- Capiz; CPPO Provincial Director PSSupt. Canilo C. Fuentes kag hepe sang PCR sang Capiz PPO nga si PCInsp. Ricardo Jomuad.
Naghatag man sang pamulong-pulong ang Chairman sang Committee on Health sang municipal council sang Maayon nga si SB Member Raymond Malapajo.
photo © Maayon PNP
