*General Santos City— Dakpan ang lima ka mga personahe atol sa gipahigayong buybust operation ug pagserve ug search warrant sa PDEA 12 sa Purok Gracia Villa, Barangay Zone I, Koronadal City.*
*Giila nga PDEA 12 Director Gil Castro ang mga dinakpan nga silang Roy Oligo Y Palmares Alias Apnoy, 20 anyos, Reuben Pangantihon, 34 anyos, Leonel Pastellero, 29 anyos, Abet Sarip, 42 anyos ug usa ka menor de edad.*
*Sumala niya nga ang maong operasyon ang resulta sa impormasyon nga gipaabot kanila sa mga residente sa lugar rason nga ilaha kining gi-operasyunan.*
*Dugang pagbutyag ni Director Castro nga nakuha gikan sa posisyon sa mga suspek ang ubay-ubay nga sachet sa gituuhang shabu, paraphernalias ingon man mga marijuana nga dili muubos sa 300, 000 ka pesos.*
*Pamahayag usab ni Director Castro nga usa ka drug den ang ilahang gisulod rason nga ubay-ubay ang nadakpan ingon man ang ilahang narekober.*
*Pag-angkon man usab niya nga dugay ng problema ang illegal nga druga sa syudad sa Koronadal hingundan nga nakig-alayon na sila sa mga opisyal niini.*
*Nanawagan man usab kini sa katawhan nga ipaabot kanila kung adunay mga tawong lambigit sa illegal nga druga sa lugar aron nga mapahigayunan ug operasyon.*
*Sa kasamtangan, ang mga suspek ang anaa na naka-detain sa lock up cell sa PDEA 12 ug gikanahikay na ang tukmang kaso batok kanila.*
