Davao City – Priso ang usa ka drug den maintainer ug laing tulo ka individual, human nadakpan atol sa drug buy bust operation sa Barangay Aplaya, Digos City, Davao del Sur niadtong September 4, 2023.
Sumala sa report sa Philippine Drug Enforcement Agency (PDEA) Regional Office XI, giila ang drug den maintainer nga si Jayson Nabises, 28 anyos ug residente sa nasangpit na lugar.
Nadakpan usab ang tulo ka mga drug den visitors samtang nagpahigayon og shabu session nga sila si Roel Payan, Marjorie Catambacan ug Janilyn Cuerda.
Nasakmit sa awtoridad ang upat ka pakete sa gidudahang shabu nga mutimbang sa kapin 16 grams nga gibana-banaang mukantidad sa P108,800, nagkalain-laing drug paraphernalia ug buy-bust marked money.
Kasong pagsupak sa Republic Act 9165 o Comprehensive Dangerous Act of 2002 ang atubangon sa mga dinakpan.
RadyoMaN Ivy Parido
Facebook Comments
