Davao City- Mukantidad sa dul-an P60,000 ang gibana banaang kantidad sa gidudahang shabu nga nahipos sa mga sakop sa Digos City Police Station ug sa pwersa sa Philippine Drug Enforcement Agency (PDEA) Davao Region human sa gikasang drug buy bust operation sa Digos, Davao del Sur.
Human naabtan sa otoridad, napuhag ang giingong drug den hinungdan sa pagkasikop sa lima ka drug den maintainer.
Sa pagpanubay sa DXDC RMN Davao sa Digos City PNP, ang nahatag lang nga impormasyon mao nga ang mga dinakpan, nalakip sa listahan sa mga high value individual sa rehiyon onse.
Anaa na sa kostudiya sa kapulisan ang mga suspect ug muatubang sa kasong pagsupak sa Republic Act 9165 o Comprehensive Dangerous Drugs Act of 2002.
Pahinumdom sa publiko nga kanunay puy-an ang culture of security, kung aduna’y mamatikdang katingad-an o nagabuhat og illegal nga lihok, musumbong dayon sa otoridad aron maaksyonan ug magpabilin ang kahapsay ug kalinaw diha sa katawhan.
RadyoMaN Ivy Parido
Facebook Comments
