CAUAYAN CITY – ARESTADO ANG 13 INDIBIDWAL KABILANG NA ANG 8 MENOR-DE-EDAD SA IKINASANG ANTI-ILLEGAL DRUG OPERATION SA BRGY. BONFAL WEST, BAYOMBONG NUEVA VIZCAYA, NOONG IKA-2 NG NOBYEMBRE.
SA PINAGSANIB NA PWERSA NG PHILIPPINE DRUG ENFORCEMENT AGENCY UNIT NG NUEVA VIZCAYA AT BAYOMBONG POLICE STATION, NABUWAG ANG ITINUTURING NA DRUG DEN SA NABANGGIT NA LUGAR.
KASABAY NG PAGKAKATUKLAS NG NABANGGIT NA KUTA NG ILEGAL NA DROGA, NAARESTO ANG 13 INDIBIDWAL NA KINABIBILANGAN NINA ALYAS “LAMAY” NA SIYANG MAY-ARI NG BAHAY, ALYAS “RICKY” AT ALYAS “ROY” PAREHONG 37-ANYOS, ALYAS “ROD”, 34 ANYOS, AT ALYAS “ARJAY” 18 ANYOS.
NADAKIP RIN ANG 8 MENOR-DE-EDAD NA SINA ALYAS “AERON” “JERICHO” “RON”, 17-ANYOS, ALYAS “WILLIAM” AT “NATHALIE” 14-ANYOS, ALYAS “JACOB”, “JANE” AT “QUINCY” 15-ANYOS, AT ALYAS “GEL” 13-ANYOS, PAWANG MGA RESIDENTE NG NABANGGIT NA LUGAR.
SA ISINAGAWANG OPERASYON, NASAMSAM ANG 3 PAKETE NA NAGLALAMAN NG HINIHINALANG SHABU NA MAY BIGAT 1.1 GRAMS, 9 NA PAKETE NG HINIHINALANG SHABU NA MAY BIGAT NA 2.4 GRAMS, ISANG SACHET NA NAGLALAMAN NG HINIHINALANG MARIJUANA NA MAY BIGAT NA 2.5 GRAMS, CASH, MGA CELLPHONE, AT IBA PANG DRUG AND NON-DRUG ITEMS.
MATAPOS ANG OPERASYON, KAAGAD NA DINALA ANG MGA SUSPEK MAGING ANG MGA NASAMSAM NA EBIDENSYA SA BAYOMBONG POLICE STATION PARA SA DOKUMENTASYON AT PAGSASAMPA NG KAUKULANG KASO.
SAMANTALA, ANG 8 MENOR-DE-EDAD NA NADAKIP AY NASA KUSTODIYA NA NG PNP WOMEN AND CHILDREN PROTECTION DESK AT IPAPASAKAMAY SA DEPARTMENT OF SOCIAL WELFARE AND DEVELOPMENT (DSWD) PARA SA KAUKULANG AKSYON.
