Davao City – Gironda sa mga awtoridad ang usa ka drug den ug nakuha ang kapin sa P50K nga kantidad sa illegal nga druga sa gihimong buy bust operation sa Piapi Boulevard, Brgy. 22-C, syudad sa Davao.
Mga operatiba sa Tugbok Police Station ang milusad sa operasyon nga resulta sa pagkasikop sa drug maintainer nga si Daffodel Pandel Rosario Alferez, 40 anyos, residente sa nasampit nga lugar ug ang duha ka drug den visitors nga sila Norman Catre, 45 anyos ug Arturo Alferez, 43 anyos.
Nasakmit sa kapulisan gikan sa posisyon sa mga suspek ang unom ka managlahing gidak-on sa pakete sa shabu, usa touch screen cellphone ug mga illegal drugs paraphernalia.
Kasong kalapasan sa RA 9165 Comprehensive Dangerous Drugs Act of 2002 ang atubangon sa mga suspetsado.
RadyoMan Don Pulayao
Facebook Comments
