Gironda sa mga operatiba sa Philippine Drug Enforcement Agency kon PDEA region 10 ang usa ka drug den kagabie sa Zone 1, Lower Bantiles, Brgy, Bugo ning syudad sa Cagayan de Oro. Kini atol na sa anti-illegal drug buy bust operation nga ilang gilusad mga alas 8:00 ang takna kagabie.
Nadakpan ang target sa maong operasyon nga si Florenda Malungayon lakip na ang upat pa ni-ining mga kaubanan nga sila si Renante Labrador, Ruby Ecuacion, Brechy Ecuacion ug si Maria Dolores Stenkes.
Nasayran nga napalitan sa usa ka sachet nga dunay sulod sa gituhoang shabu balor 500 pesos ang target nga si Malungayon kung maoy nahimong signal sa paglusob sa maong panimalay sa nasangpit nga dapit kung diin nahimo na kining usa ka drug den.
Atol sa maong pagronda, nakuha pa sa mga suspetsado ang laing 7 ka mga nagkalain-laing sizes sa mga sachet nga dunay sulod sa gituhoang shabu, usa ka chocolate box, usa ka green nga plastic container, nagkadaiyang mga drug paraphernalias ug ang 500 pesos nga kwarta nga ginamit isip buy bust money.
Gibana-banang motimbang sa 12 gramos ang mga nakuhang kontrabando kung diin dunay street value nga mokabat sa kapin 81,000 pesos.
Sa pagkakaron ana-a na sa kustodiya sa PDEA 10 ang mga dinakpan ug posibleng mag atubang sa kasong pagsupak sa Republic Act 9165 kon mas nailang Comprehensive Dangerous Drugs Act of 2002.
Kasama mo sa PDEA 10, RadyoMaN Andy Coco, DXCC Tatak RMN!
