Drug den sa Buhangin napuhag, P81K droga nasakmit

Davao City-Laing drug den ang napuhag sa mga awtoridad og tulo ka tigpayuhot og illegal ang nasikop sa Purok Anahaw, Buhangin Davao City, alas 11:05 sa gabii, August 29,2023 sa gilusad nga operasyon uban ang elemento sa Regional Special Enforcement Team of the Philippine Drug Enforcement Agency Regional Office XI, National Bureau of Investigation XI SEMRO ug Ecoland Police Station.

Sumala pa nadakpan ang drug den maintener nga nailang Loreto Ga alias Leetoy, 40 anyos, residente sa nasangpit nga lugar ug malampusong napalitan og usa ka pakete nga gituohang shabu nga motimbang og 1 ka gramo mokantidad og 6,000.

Sikop sab ang duha ka drug den visitors nailang Jerald Ebu ug A-Jay Gutierrez, parehong hingkod ang edad diin naaktohan nga nag shabu session.

Narekober sa mga awtoridad ang tulo ka sachet nga gituohan shabu nga motimbang og 12 grams nga adunay estimated street value of Php 81,600.00. Lakip nakumpiska ang assorted drug paraphernalia ug buy-bust marked money.

Ang tulo ka dinakpan kasohan karong adlawa August 30,2023 og mag-atubang og kasong kalapasan sa RA 9165 Comprehensive Dangerous Drugs Act of 2002.

RadyoMaN Don Pulayao