Sa report sa Philippine Drug Enforcement Agency (PDEA)-XI, subject sa buy-bust operation ang usa ka Marjon Masaglang alyas Boss, 35 anyos, residente sa maong lugar, nga napalitan og usa ka pakete sa gituohang shabu.
Atol sa operasyon, arestado usab ang unom ka mga drug den visitors nga sila Ariel Dosdos, Riza Mae Engco, Lara Mae Lacao, Dionaldo Mamalias Jr., Brian Jay Semborio ug John Paul Zamora.
Nakuha sa operatiba ang unom ka mga pakete sa gituohang shabu nga mutimbang og kapin kun kulang 14 gramos nga mukantidad og P95,200.
Ang nahisgutan mag-atubang sa kasong paglapas sa Section 5 (Sale of Dangerous Drugs) Section 6 (Maintenance of a Drug Den), Section 7 (Employees and Visitors of a Den), Section 13 (Possession of Dangerous Drugs During Parties, Social Gatherings or Meetings,) ug Section 14 (Possession of Equipment, Instrument, Apparatus and Other Paraphernalia for Dangerous Drugs During Parties, Social Gatherings or Meetings), Article II sa Republic Act 9165 o ang The Comprehensive Dangerous Drugs Act of 2002.
RadyoMaN Kirby Manzon
