Davao City – Arestado sa Mati City Police uban ang Philippine Drug Enforcement Agency (PDEA)-XI ug Davao Oriental Police Provincial Office (DOPPO) ang mga High-Value Individuals (HVIs) atol sa gikasang buy-bust operation sa Purok 1, Malipayon, Barangay Dahican, Mati City, Davao Oriental, alas 11:15 sa buntag, March 2, 2023.
Sa report sa Mati City Police Station (PS) nga gipadala sa DXDC RMN Davao, ang mga dinakpan mao sila Danilo Lumapas alyas Jolo, 36 anyos, Top 5 Regional level-HVI; Francis Owano alyas Tawing, 39 anyos, Top 6 Regional level-HVI nga nadakpan na tungod sa droga niadtong 2020, ug Mark Wilson Pregunta alyas MacMac, 33 anyos, pulos mga residente sa Barangay Dahican, Mati City.
Nakuha sa posisyon sa nahisgutan ang duha (2) ka pakete sa gituohang shabu nga anaa sa kapin kun kulang 5 gramos ug mukantidad og P35,000, ug mga drug paraphernalia.
Kasong paglapas sa Republic Act 9165 kun Comprehensive Dangerous Drugs Act of 2002 ang atubangon sa mga dinakpan nga gibalhog sa Mati City PS detention facility.
RadyoMaN Kirby Manzon
Facebook Comments
