BACOLOD CITY – Gintambungan sang mga chiefs of police sang napulo tanan ka mga Police Stations sa Bacolod ang ginpatigayon nga Drug Enforcement Operation Seminar kahapon sang aga, Biernes sa BCPO.
Wala labot sa mga hepe sang pulis, nag-attend man sa seminar ang mga katapo sang City Drug Enforcement Unit kag Drug Enforcement Team Investigators.
Gintalakay sa seminar ang Principle of Command Responsibility, Buy Bust Operation, Case Build-up, Chain of Custody kag ang pag-impliment sang Search Warrant.
Katuyuan sang seminar nga mapabakud kag mahatagan sang dugang nga ihibalo sa pagpatigayon sang imbestigasyon, pag-file ang charges subong man ang pag-uyat sang mga ebidensya.
Nagtambong man sa seminar si RTC Brach 52 Executive Judge Hon. Raymond Joseph Javier bilang resource speaker./dyHB BACOLOD
