CAUAYAN CITY- PORMAL NA KINILALA NG PHILIPPINE DRUG ENFORCEMENT AGENCY (PDEA)–ISABELA ANG AURORA POLICE STATION AT ANG LOCAL GOVERNMENT UNIT NG AURORA BILANG DRUG-FREE WORKPLACE, BILANG BAHAGI NG PINAIGTING NA KAMPANYA NG PAMAHALAAN LABAN SA ILEGAL NA DROGA.
ISINAGAWA ANG DEKLARASYON SA MANPOWER DEVELOPMENT BUILDING SA BARANGAY STA. ROSA, AURORA, KUNG SAAN PINAGTIBAY NG MGA OPISYAL AT KAWANI ANG KANILANG PANGAKONG PANATILIHIN ANG ISANG LIGTAS AT MALINIS NA KAPALIGIRAN SA TRABAHO, MALAYO SA IMPLUWENSIYA NG ILEGAL NA DROGA.
DUMALO SA AKTIBIDAD ANG MGA KINATAWAN NG PDEA–ISABELA, ISABELA POLICE PROVINCIAL OFFICE, AT PAMAHALAANG BAYAN NG AURORA NA PINAMUMUNUAN NI MAYOR JOSEPH CHRISTIAN G. UY. AYON SA MGA OPISYAL, ANG PAGKILALANG ITO AY RESULTA NG DISIPLINADONG PAGPAPATUPAD NG MGA UMIIRAL NA BATAS AT EPEKTIBONG PROGRAMA KONTRA DROGA.
BILANG BAHAGI NG PROGRAMA, ISINAGAWA ANG CEREMONIAL UNVEILING NG DRUG-FREE WORKPLACE SIGNAGE AT ANG PAGLAGDA SA PLEDGE OF COMMITMENT. IPINAHAYAG NG MGA OPISYAL ANG PATULOY NA SUPORTA SA MGA ADBOKASIYA NG AURORA PNP PARA SA ISANG LIGTAS, MAAYOS, AT MAPAYAPANG KOMUNIDAD.
