SAGAY CITY – Nakaluwas sa tatlo ka bala nga nag-igo sa iya lawas ang isa ka drug surrenderee kag Top 6 drug personality sa syudad matapos ini ang gintiro sang riding in tandem las 6:15 sang gab-i, Abril 16.
Nakilala ang biktima kay Rommel Sayson, 46 anyos sang Charmaine Village, Barangay Poblacion 1.
Nagasakay sa traysikol ang biktima gikan sa Nichols Market mall sang hinali gid lamang gin-ipingan sang riding in tandem kag gintiro makatatlo ka beses.
Gamit sang mga suspek ang green nga motor kag nagpalagyo matapos nga natabo ang kremin.
Una gindala sa LODIF Hospital ang biktima apang sa ulihi gindala aa Regional Hospital.
Narecover sa crime scene ang tatlo ka baseyo sang kalibre .45 nga pistola, lakip man ang duha ka bala naglapos gikan sa lawas sang biktima.
Narecover man ang kalo sang biktima.
