Drug personality nga makaduha ka beses nga nadakpan, liwat nga ginpaidalom sa buy bust operation sa Brgy Tanque, Roxas City!

290

Roxas City, Capiz- Arestado ang 29-anyos nga lalaki matapos nga ginpaidalom sa buy bust operation sa Datiles Street, Brgy Tanque, Roxas City alas 2:50 sang hapon.
Ginkilala ang subject person kay Kirste Imam y Arcangeles, may yara sang live-in partner kun sa diin natigayon nga marekober sang mga otoridad ang lima ka sachet sang suspected shabu, P1000 pesos nga buy bust money kag cellphone.
Hugot naman nga ginpanginwala sang suspek nga sa iya naghalin ang mga narekober nga items. Apang aminado naman ini nga naga gamit siya sang ilegal nga druga kag kahapon lamang ang katapusan sini nga pag-usar.
Makaduha na nga nadakpan ang amo nga persona apang nakaguha sa BJMP matapos nga nag-avail sang plea bargaining agreement.
Magapangatubang sang kaso nga paglapas sa RA 9165 ukon Comprehensive Dangerous Drugs Act of 2002 ang amo nga persona.

Facebook Comments