Iloilo City- Yara na sa paghinakop sang Philippine Drug Enforcement Agency ukon PDEA 6 si Reynaldo Cavintoy, 28 anyos, residente sang Brgy. Veterans Village, Iloilo City kag isa ka drug personality matapos nadakpan sa Sitio Mansiguibo, Brgy. San Isidro, Toboso, Negros Occidental alas 3:00 kaina sang kaagahon, Pebrero 2.
Suno kay PDEA 6 Director Wardley Getalla, naaresto si Cavintoy sadtong Nobyembre 2017 apang nakapalagyo sadtong Disyembre 6, 2017.
Ginpahayag ni Getalla nga wala sila nag-untat sa pagpangita kay Cavintoy tubtob nadakpan ini kaina sang kaagahon pinaagi sa gintingob nga pwersa sang Toboso Municipal Police Station kag PDEA-6.
(c) Toboso MPS
Facebook Comments
