Drug personality sa Pinikitan, nasikop sa operatiba sa CDEU!

61
Ang lalaking nadakpan sa mga operatiba sa CDEU nga nagpayuhot sa iligal nga druga sa Pinikitan, Camaman-an ning syudad sa Cagayan de Oro. / Photo by: RadyoMaN Andy Coco

Malampusong nasikop sa mga operatiba sa City Drug Enforcement Unit kon CDEU ang usa ka drug personality kagahapon sa buntag.  Kini atol sa gilusad nga anti-illegal drug buy bust operation sa mga sakop ni Police Major Excyllo Alcantara diha sa MV Ramonal Villagge, Pinikitan, Brgy. Camaman-an ning syudad sa Cagayan de Oro.

Naila ang dinakpan nga 26 anyos nga si Jamer Pagara, alyas BATO, minyo nga walay trabaho nga residenti sa susamang lugar.  Nasayran nga ana-a sa watchlist sa CDEU ang dinakpan nga iladong tigpayuhot sa iligal nga druga sa ilang palibot.

Gikabutyag nga napalitan sa usa ka sachet sa gituhoang shabu ang suspek balor 500 pesos nga maoy hinungdan sa pagka-aresto ni-ini.


Atol sa pagrikisa sa maong dinakpan, nakuha pa gikan sa posisyon ni-ini ang 10 ka buok nga elongated ug 3 ka buot nga rectangular heat-sealed transparent plastic sachets nga dunay sulod sa gituhoang shabu.  Lakip nga nakuha gikan sa posisyon ni-ini ang 500 peso bill nga ginamit isip buy bust money.

Gibana-banang motimbang sa dos gramos ang tanang nakumpiskang mga kontrabando gikan sa suspek nga dunay street value nga moabot ngadto sa kapin 13, 000 pesos.

Detinaddo na karon ang suspek sa Maharlika Detention Cell ug posibleng mapasakaan sa kasong pagsupak sa Section 5 ug 11 sa Article II sa R.A. 9165 kon mas nailang Comprehensive Dangerous Drugs Act of 2002 ang dinakpan nga paga-atubangon ni-ini ngadto sa korte.



Kasama mo sa CDEU, RadyoMaN Andy Coco, DXCC Tatak RMN!

Facebook Comments