Drug personality sa San Carlos gintiro samtang nagapanyaga upod ang misis, patay

SAN CARLOS CITY, NEGROS OCCIDENTAL – Dead on arrival sa ospital ang isa ka ginakabig drug personality sa natabo nga shooting incident sa Brgy. 2, San Carlos City kahapon sang hapon.

Ang biktima ginkilala kay Reagan Balopenos, 31 anyos, kasado, jobless, residente sang President OsmeƱa St., Don Juan Subdivision, Brgy. 2, ciudad sang San Carlos kag ginakabig nga isa ka drug personality.

Suno sa San Carlos City Police Station nga ang biktima ang gintiro may mga la 1:45 kahapon sang hapon sa sulod mismo sang iya balay sang wala makilala nga suspek.


Ginpahayag nga ang biktima nagapanyaga gid upod ang iya asawa sa sulod sang ila balay sang hinali na lamang ini nga gintiro sang suspek halin sa gwa.

Makapila ka beses nga gintiro sang suspek ang biktima gani ini ang naigo sa nagkalain lain nga bahin sang iya lawas.

Dali-dali pa nga gindala sa San Carlos City Hospital ang biktima apang ini ang gin-declare dead on arrival sang attending physician.

Gilayon naman nga nagpalagyo ang suspek sakay sa motorsiklo./dyHB BACOLOD

Facebook Comments