Davao City – Naaresto sa buybust operation ang suspek nga tigpayuhot og iligal nga droga sa joint operation sa Talomo PNP ug Philippine Drug Enforcement Agency (PDEA) XI alas 12:05 sa tungang gabii.
Sa blotter sa Talomo PNP, ang suspek mao si Paul Mortel Tengosia, 45 anyos, nagpuyo sa Fortune Homes Lanang, Davao City diin nadakpan kini human mapaliti sa pulis nga nagtakubang buyer og gidiling droga gamit ang marked money.
Nakumpiskar gikan sa suspek ang usa ka sachet nga shabu, cash, cellphone ug motorisklo nga iyang gigamit sa iligal nga transaksyon.
Ang suspek nadakpan sa dalang J. P. Laurel Avenue human dunay misumbong sa kapulisan mahitungod sa pagpayuhot og illegal drugs sa suspetsado.
Balhog na ang suspek sa presento tres ug giandam na ang kasong ipasaka sa Piskaliya.
RadyoMaN Erin Lumosbog
