Davao City-Patay ang usa ka drug pusher human misukol sa kapulisan Sta. Ana atol sa gikasang buy bust operation sa Purok 3 Brgy.25-C syudad sa Davao.
Naila ang suspek nga napatay nga si Richard Seguisabal alyas “Sabal”, residente sa Quezon Boulevard Brgy.22-C.
Sumala sa kapulisan malampusong napalitan ang suspek og nagkantidad sa P1,000 nga shabu sa mga operatiba.
Giingong nakabantay kini nga pulis ang iyahang ka-transact inay nga mutahan, mihulbot kini sa iyahang .38 nga revolver og nagpabuto apan abtik nga nakabalos ang mga awtoridad.
Gidala sa Southern Phillippine Medical Center(SPMC) ang suspek apan nakabsan sa kinabuhi.
Narekober sa crime scene ang .38 nga revolver, mga basyo sa bala ug tulo ka mga pakete sa shabu nga adunay estimated street value nga P60,000.
Anaa sa morgue sa SPMC ang patayng lawas sa napatay nga suspek.
RadyoMan Don Pulayao
