Davao City – Patay ang usa ka tigpayuhot og iligal nga droga human misukol sa kapolisan sa San Pedro atol sa gilusad nga buy bust operation sa Jacinto St., Corner Acacia Extension, Brgy. 11-B, siyudad sa Davao.
Ang napatay naila nga usa ka alias “Wewe”, hingkod ang edad ug residente sa nahisgutang lugar.
Sumala pa nga malampusong napalitan ang suspek og usa ka sachet nga shabu kambiyo ang P500.00 nga buy bust money apan sa dihang nakamatikod nga mga sakop sa awtoridad ang iyang gikatransak, mihulbot kini sa iyang armas ug dayo’g pusil sa kapolisan apan abtik nga nakabawos ang mga pulis resulta sa iyang kamatayon.
Gidala pa sa Southern Philippines Medical Center (SPMC) ang suspek apan gediklara sa kini nga Dead on Arrival (DOA).
Nakuha sa gikan sa suspek ang usa ka pouch nga dunay laing usa ka pakete sa shabu nga dunay estimated street market value nga P10,000.00, lakip mga illegal drugs paraphernalia.
Samtang gikonsidera sa kapolisan ang suspek nga street level target sa Presinto Dos ug Cluster Leader sa maong Barangay nga nagabaligya og shabu.
RadyoMaN Don Pulayao
